سونداي-اق, وبلىس ورتالىعىنىڭ اۋماعىنا ەۋروپالىق ستاندارت ۇلگىسىندەگى ستاتسيونارلى پوليتسيا بەكەتتەرى ەنگىزىلۋدە. بۇگىن العاشقى پوليتسيا بەكەتى اشىلدى. الداعى ۋاقىتتا قالا بويىنشا وسىنداي 14 نىسان سالىناتىن بولادى. اتالعان بەكەتتەردە پوليتسيا قىزمەتكەرلەرىنىڭ جۇمىسى ءۇشىن بارلىق قاجەتتى جاعدايلار جاسالعان. زاماناۋي جابدىقتارمەن, كومپيۋتەرمەن, سونداي-اق ءىىم-ءنىڭ ارنايى بازاسىمەن جاساقتالعان.
سونىمەن قاتار, ا.توقماعانبەتوۆ اتىنداعى قالالىق مادەنيەت ۇيىندە قازاقستان پوليتسياسىنىڭ 25 جىلدىق مەرەيتويىنا ارنالعان سالتاناتتى شارا ءوتتى. قر ىشكى ىستەر ءمينيسترى قالمۇحانبەت قاسىموۆتىڭ قىزىلوردا وبلىسىنىڭ ىشكى ىستەر دەپارتامەنتى قىزمەتكەرلەرىن قۇتتىقتاۋ جەدەلحاتى وقىلدى.
- ەلباسى ن.ءا. نازارباەۆ ايرىقشا اتاپ وتكەندەي, مەملەكەتىمىزدىڭ تىنىشتىعى مەن حالقىمىزدىڭ بەيبىت ءومىرى, اماندىعى - بارىنەن قىمبات. سىزدەردىڭ قوعامدىق ءتارتىپتى قالىپتاستىرۋ, ەل تىنىشتىعىن قورعاۋ جولىنداعى قاجىرلى ەڭبەكتەرىڭىزدىڭ ارقاسىندا جىل باسىنان بەرى وبلىس بويىنشا تىركەلگەن قىلمىستىق قۇقىق بۇزۋشىلىقتاردىڭ سانى 11 پايىزعا ازايدى.وبلىستا اۋىر جانە اسا اۋىر قىلمىستاردىڭ اشىلۋ دەڭگەيى 80 پايىزدى قۇراپ وتىر. جالپى, وڭىرىمىزدەگى قىلمىستىلىق احۋالى جىل سايىن جاقسارىپ كەلەدى دەۋگە تولىقتاي نەگىز بار,-دەدى وبلىس اكىمى.
سالتاناتتى شارا بارىسىندا قۇقىق قورعاۋ ورگاندارىنىڭ بىرقاتار قىزمەتكەرلەرى ۇكىمەتتىك جانە وڭىرلىك ماراپاتتارعا يە بولدى. مەرەكەلىك ءىس-شارا كونتسەرتپەن اياقتالدى.